श्रममन्त्री सिंह र सचिव डा. पुष्करबीच आर्थिक वर्ष २०८२/८३ का लागि कार्यसम्पादन सम्झौता

काठमाडौँ, ३ भदौः

श्रम, रोजगार तथा सामाजिक सुरक्षा मन्त्रालयमा मंगलबार आयोजित औपचारिक कार्यक्रममा मन्त्री शरतसिंह भण्डारी र मन्त्रालयका सचिव डा. कृष्णहरि पुष्करबीच आर्थिक वर्ष २०८२/८३ का लागि कार्यसम्पादन सम्झौतामा हस्ताक्षर भएको छ।

सम्झौताअनुसार मन्त्रालयले श्रम, रोजगारी, वैदेशिक रोजगार व्यवस्थापन, सामाजिक सुरक्षा विस्तार, श्रमिक अधिकार संरक्षण तथा दक्ष जनशक्ति उत्पादनजस्ता विषयलाई प्राथमिकतामा राखी योजनाबद्ध ढंगले अघि बढाउने सहमति गरिएको छ।

मन्त्री भण्डारीको भनाइ सम्झौतापछि मन्त्रीमण्डलमा सम्बोधन गर्दै मन्त्री भण्डारीले मन्त्रालयले तोकिएका लक्ष्यलाई समयमै र परिणाममुखी ढंगले कार्यान्वयन गर्नुपर्ने आवश्यकता औंल्याए। उहाँले भन्नुभयो,

“सम्झौता केवल कागजी प्रक्रिया मात्र होइन, यो मन्त्रालयले श्रमिक वर्ग, बेरोजगार युवाहरू, वैदेशिक रोजगारमा रहेका नेपाली तथा सामाजिक सुरक्षामा समावेश सबै वर्गप्रति गर्ने प्रतिवद्धताको लिखित प्रमाण हो।"

सचिव पुष्करको भनाइ त्यस्तै सचिव डा. कृष्णहरि पुष्करले मन्त्रालयले कार्यसम्पादन सम्झौतामा उल्लेखित लक्ष्यलाई पूरा गर्न आफ्ना सम्पूर्ण निकाय, विभाग तथा कर्मचारीहरूलाई सक्रिय रूपमा परिचालन गरिने जानकारी दिनुभयो। उहाँले भन्नुभयो,

“श्रम, रोजगारी र सामाजिक सुरक्षासम्बन्धी कार्यक्रमलाई पारदर्शिता, दक्षता र परिणाममुखी बनाउँदै आम नागरिकले अनुभव गर्ने गरी अघि बढाइनेछ।”

सम्झौताका मुख्य प्राथमिकता क्षेत्रहरू वैदेशिक रोजगार व्यवस्थापनमा सुधार र दुरुपयोग रोकथाम

बेरोजगार युवाका लागि रोजगारी सिर्जना कार्यक्रम सामाजिक सुरक्षा कोषलाई अझ व्यापक र प्रभावकारी बनाउने

श्रमिक अधिकार, सुरक्षित कार्यस्थल र श्रम कानुन कार्यान्वयनमा जोड सीपमूलक तालिम तथा दक्ष जनशक्ति विकास

यस कार्यसम्पादन सम्झौताले मन्त्रालयभित्र पारदर्शिता, जवाफदेहिता र परिणाममुखी कामलाई अझ सबल बनाउन योगदान गर्ने अपेक्षा राखिएको छ।